Русија денес соопшти дека најмалку четири лица загинале, а 24 се повредени во текот на ноќта во украинскиот ракетен напад врз пограничниот Регион Белгород.
„Синоќа беше ужасен ден за целиот Регион Белгород. Четири лица, цивили, загинаа во агресијата на украинските вооружени сили, а 24 цивили се повредени“, рече гувернерот Вјачеслав Гладков во видеото објавено на Телеграм.
Претходно Гладков рече дека руската противвоздушна одбрана била активирана над градот Стари Оскол, кој се наоѓа на околу 110 километри североисточно од градот Белгород.
Руското Министерство за одбрана потврди дека нејзината воздушна одбрана соборила 113 украински беспилотни летала во текот на ноќта, од кои 73 биле пресретнати над Регионот Белгород.
Понатаму се тврди дека 25 беспилотни летала биле соборени над Регионот Воронеж, 14 над Регионот Курск, а едно беспилотно летало било пресретнато над Регионот Брјанск.
Украинските власти сè уште не го коментираат нападот или тврдењата.
