Велика Британија ќе ги пречека лидерите на ЕУ во земјата на првиот Самит на лидерите на Велика Британија и ЕУ во мај, се вели во официјалното владино соопштение.
Британскиот премиер Кир Стармер ќе биде домаќин на претседателот на Европскиот совет Антонио Коста и претседателката на Европската комисија Урсула фон дер Лајен на 19 мај.
Тоа ќе биде можност дополнително да се зајакне „уникатната врска“ меѓу Обединетото Кралство и ЕУ бидејќи Стармер бара ресетирање на односите по Брегзит, се вели во соопштението од кабинетот на премиерот.
„Првиот самит Обединетото Кралство-ЕУ ќе даде можност да се постигне понатамошен напредок во областите што ќе донесат опипливи придобивки за народот на ОК и ЕУ и дополнително ќе ги зајакне уникатните односи меѓу Обединетото Кралство и Европската унија“, се додава во соопштението. .
Во август минатата година, еден месец откако стана премиер, Стармер одржа дводневна турнеја низ Европа за да ги поправи нарушените односи.
На референдумот за Брегзит во 2016 година, мнозинството луѓе гласаа за повлекување на земјата од ЕУ.
Откако договорот за Брегзит беше потпишан од претставници на Велика Британија и ЕУ на 24 јануари 2020 година, Велика Британија официјално се повлече од блокот на 31 јануари истата година.
