Канабисот е најчесто користената дрога во светот во 2021 година, а 219 милиони луѓе го користеле овој наркотик, или четири проценти од светската популација на возраст од 15 до 64 години, покажува Светскиот извештај за дрогите за 2023 година на Меѓународната канцеларија на ОН за дрога и криминал (УНОДЦ).
Во извештајот се наведува дека употребата на дрога е зголемена за 23 отсто во изминатите десет години, а во 2021 година едно од 17 лица ширум светот користело некој вид наркотик.
Според извештајот, 296 милиони луѓе ширум светот користеле дрога во 2021 година, што е за 18 отсто зголемување во однос на 2020 година, кога 284 милиони луѓе користеле дроги.
Експертите од УНОДЦ посочуваат дека бројот на лицата кои инјектираат дроги се повисоки од претходните години, бидејќи услугите за лекување и другите интервенции се сè уште несоодветни, вклучително и рекордниот број на раселени лица поради хуманитарни кризи.
Во извештајот се наведува дека 36 милиони луѓе користеле супстанци од типот амфетамин, 22 милиони луѓе користеле кокаин, а 20 милиони луѓе користеле екстази. Околу 60 милиони луѓе користеле фармацевтски опоиди, во најголем дел хероин.
Истакнувајќи дека има значително зголемување на бројот на луѓе кои страдаат од болести поврзани со дрога и бараат третман, во извештајот се наведува дека стапката на лица со здравствени проблеми поврзани со дрога е зголемена за 45 проценти во последните десет години, а бројот на луѓе во оваа ситуација се искачи на 39,5 милиони.
Во извештајот се посочува дека има забележливо зголемување на бројот на луѓе кои ги загубиле животите поради употреба на дрога, како и дека бројот на смртни случаи од зависност од супстанции се зголемил за 17,5 отсто меѓу 2009 и 2019 година.
