Портпаролот на Обединетите нации, Стефан Дужарик, изрази загриженост поради влошувањето на ситуацијата со храната во Судан.
„Речиси 26 милиони мажи, жени и деца се соочуваат со акутен глад - да ви дадам пример, тоа е еквивалентно на целото население на Австралија“, им рече Дужарик на новинарите.
„Од тие 26 милиони, 750.000 луѓе се на само еден чекор до гладот – што за нас се преведува како IPC (Интегрирана безбедност на храна) фаза (класификација) 5“.
Луѓето во Судан се соочуваат со „најлошото сценарио“, додаде тој.
Во Судан продолжуваат борбите меѓу Армијата, предводена од генералот Абдел Фатах ал-Бурхан, кој е шеф на владејачкиот Суверен совет, и паравоените Сили за брза поддршка (РСФ) предводени од неговиот поранешен заменик Мухамед Хамдан Дагло.
Според податоците на ОН, во конфликтот што започна во април 2023 година, загинати се најмалку 12.260 луѓе, а над 33.000 се повредени.
Хуманитарната криза продолжува да се влошува, скоро 6,8 милиони луѓе ги напуштија своите домови барајќи безбедност во други делови на Судан или во соседните земји.
Неколкуте договори за прекин на огнот со посредство на Саудиска Арабија и американските медијатори не успеаја да стават крај на насилствата.
