Папата Франциск сите форми на војна ги опиша како „злосторство против човештвото“, нагласувајќи дека војната не е начин за решавање на конфликтите.
„Војната сама по себе е злосторство против човештвото. На луѓето им треба мир. На светот му треба мир“, рече Франциск за време на неговата неделна молитва, според „Ватикан њуз“.
„На почетокот на годината разменивме желби за мир, но оружјето продолжи да убива и уништува“, нагласи тој.
Папата ги повика луѓето кои имаат моќ над овие конфликти да сфатат дека војната не е начин за нивно решавање.
„Мораме да се едуцираме за мир“, рече папата Франциск, и додаде:
„Се чини дека сè уште - целото човештво - немаме доволно образование за да ја запреме секоја војна. Секогаш да се молиме за оваа благодат: да се едуцираме за мир.“
