Пакистанскиот суд ги осуди поранешниот премиер Имран Кан и неговиот шеф на дипломатијата Шах Махмуд Куреши на по 10 години затвор во случајот со кој поранешниот премиер е обвинет за откривање државни тајни.
Казната беше објавена од судијата Абуал Хаснат Мохамад Зулкарнаин во североисточниот гарнизонски град Равалпинди, затворот Адиала, објави локалната телевизија АРУ њуз.
Сепак, адвокатот на Кан, Гохар Али Кан, рече дека неговата партија Пакистан Техрик-е-Инсаф (ПТИ) ќе ја оспори казната пред Високиот суд во Исламабад.
„Ќе ја оспориме оваа казна пред Вишиот суд во Исламабад и Врховниот суд и се надеваме дека ќе добиеме правда“, им рече тој на новинарите.
Кан беше обвинет за откривање службена тајна кога мавташе со доверливо дипломатско писмо на митинг во 2022 година.
Играчот на крикет кој стана политичар и беше премиер од 2018 до 2022 година, изгуби на гласањето за доверба во Парламентот во април 2022 година, една година пред да го заврши својот мандат.
