Во земјата е прогласена национална жалост поради шумските пожари што пустошат низ Португалија од 14 септември и предизвикаа смрт на седум лица.
Досега изгорената површина во Португалија, која доживува едни од најголемите шумски пожари во историјата на земјата, е еднаква на површина 10 пати поголема од главниот град Лисабон.
Пожарите, кои особено ги зафатија северните региони на земјава и уништија повеќе од 120.000 хектари шумска површина, ставени се под контрола со интервенции на службите и благодарение на врнежите.
Национална жалост денес е прогласена во Португалија, каде што поради пожарите на 17 септември беше воведена вонредна состојба.
Знамињата во земјава се спуштени на половина копје поради денот на жалост.
Во истрагата спроведена во врска со пожарите во кои животот го загубија седум лица, а околу 160 се повредени, досега се приведени пет лица.
Во пожарите што пеплосаа неколку населени места и села во северните делови на земјата, особено во подрачјето на Аверио, Вила Реал, Брага, Визеу и Коимбра, без покрив над глава останаа стотици луѓе и уништени се илјадници возила.
Португалската Национална агенција за вонредни состојби и цивилна заштита објави дека пожарите сѐ уште се под контрола, иако продолжуваат на речиси 30 локации.
