Рускиот претседател Владимир Путин ја нарече лудило политиката на Европската Унија (ЕУ) за цените на гасот и ги отфрли сите обвинувања против Русија во врска со ова прашање. На состанокот на Советот за стратешки развој и национални проекти, Путин ги обвини западните земји дека и објавиле економска војна на Русија.
„Колективно, Западот не нападна со економска вoјна, но западните земји погрешија во проценката дека руската економија ќе пропадне”, рече рускиот претседател.
Според Путин рече Русија се соочува со невидена агресија преку санкции кои имаат за цел брзо да ја уништат економијата на земјата со предизвикување колапс на руската валута, рубљата, крадење девизни резерви и предизвикување деструктивна инфлација.
Тој додаде дека Москва има намера да го преориентира снабдувањето со енергија на нови, брзорастечки пазари.
„ЕУ продолжува да ги троши нашите стоки и услуги, задржувајќи ги приливите. Таквата нерамнотежа не може да продолжи бесконечно. Што да правиме? Ќе бараме други, поперспективни партнери во активно растечките региони на светската економија. Тоа се Азија, Блискиот исток, Латинска Америка, Африка“, истакна Путин.
Тој го наведе Истокот како фокус за преориентирање на рускиот гас.
„Важен чекор за намалување на влијанието на санкциите и другите непријателски дејствија против Русија ќе биде развојот на пристаништето и инфраструктурата на гасоводот на југ и исток, вклучувајќи го и зголемувањето на извозот на природен гас. Спроведувањето на таквите проекти ќе овозможи зголемување на Испораките на гас на Исток до 48 милијарди кубни метри до 2025 година и до 88 милијарди до 2030 година“, рече Путин.
