Шефот на Светската здравствена организација (СЗО) рече дека агенцијата на ОН го одобрила првиот м-покс ин витро дијагностички тест (ИВД) за итна употреба.
Тедрос Аданом Гебрејесус ја потврди информацијата на X, додека глобалната побарувачка за тестирање на м-покс се зголемува поради тековните епидемии во неколку земји, особено во Демократска Република Конго.
Одобрувањето за итна употреба на тестот произведен од Абот Молекулар, ќе биде „клучен“ во проширувањето на дијагностичкиот капацитет во земјите кои се соочуваат со појава на м-покс, се вели во соопштението на СЗО.
„Раната дијагноза на м-покс овозможува навремено лекување и нега и контрола на вирусот“, се подвлекува.
Предупредувајќи дека ограничениот капацитет за тестирање и одложувањата во потврдувањето на случаите кои се појавија во Африка, придонесува за континуирано ширење на вирусот.
Се наведува дека над 30.000 сомнителни случаи се пријавени низ целиот регион во 2024 година.
Според агенцијата, најголем број има во ДР Конго, Бурунди и Нигерија, додека 37% од сомнителните случаи биле тестирани само во ДР Конго оваа година.
„Овој прв дијагностички тест м-покс наведен во процедурата со список за итни случаи (ЕУЛ) претставува значајна пресвртница во проширувањето на достапноста на тестирањето во погодените земји“, рече помошникот генерален директор на СЗО за пристап до лекови и здравствени производи, Јукико Накатани.
„Зголемувањето на пристапот до медицински производи со квалитет е централно во нашите напори да им помогнеме на земјите да го задржат ширењето на вирусот и да ги заштитат своите луѓе, особено во недоволно загрозените региони“, додаде Накатани.
Процесот на ЕУЛ ја забрзува достапноста на медицински производи кои спасуваат животи, како што се вакцини, тестови и третмани, во контекст на Итната состојба за јавно здравје од меѓународна загриженост.
Досега, СЗО има примено три дополнителни поднесоци за евалуација на ЕУЛ, а во тек се дискусии со други производители на м-покс ИВД за да се обезбеди поширок опсег на дијагностички опции со обезбеден квалитет.
