“Решив да спроведам специјална воена операција. Целта е да ги заштити луѓето кои осум години беа малтретирани и подложени на геноцид од режимот во Киев”.
Вака рускиот претседател Путин пред три години ја најави воената инвазија на Украина. Тогаш никој не можеше да преддвиди колку време ќе трае војната и кога завојуваните страни ќе седнат на преговарачка маса.
Денес Украина во голем процнет е разрушена држава. Русија контролира речиси една петина од нејзината територија. Главно на истокот и југот на земјата. Се работи за околу 112 000 квадратни километри. Крим анектиран во 2014 година. И Донетск, Луганск, Херсон и Запорожје кои во 2022 откако со референдум, одлучија да бидат дел од Русија. Меѓународната заедница не ги призна овие референдуми.
Од друга страна Украина контролира околу 450 квадратни километри во регионот на Курск на руска територија. Зеленски неодамна предложи завојуваните страни да си ги вратат заземените територии. Москва тоа го одби.
Преговори и посредници
Непосредно пред тригодишнината од почетокот на војната претставници на завојуваните страни започнаа преговори. По иницијатива на САД со Саудиска Арабија како домаќин Рубио и Лавров, без претставник на Украина го отворија патот и за евентуална средба Путин – Зеленски – Трамп.
“Мислам дека сме на пат да постигнеме мир. Мислам дека претседателот Путин сака мир, претседателот Зеленски сака мир. И јас сакам мир”, изјави претседарелот на САд Трамп.
Преговори не отфрла ниту Зеленски. Тој дури ја понуди својата оставка во замена за мир.
“Ќе се сретнам со Руси само со еден Русин, со Путин дури откако ќе имаме заеднички план со Трамп, Европа и ќе седнеме со Путин и ќе ја прекинеме војната”, изјави претседателот на Украина.
САД ја имаа улогата на медијатор во Саудиска Арабија. Европска Унија се уште го бара своето столче на преговарачката маса. А досега Туркије се покажа како успешен посредник во преговорите меѓу Украина и Русија.
Во случајот со Договорот за жито, при размените на воени заробеници, а сега претседателот Ердоган нуди да биде домаќин и на евентуални мировни разговори меѓу двете двете земји.
Илјадници жртви на двете страни
Додека траат преговорите ситуацијата на терен е непроменета. Илјадници загинати има на двете страни. Точниот број особено од руска страна е енигма. Бидејќи Русија одамна објави податок за околу 6 000 загинати.
Зеленски на крајот на минатата година изјави дека 46 000 украински војници загинале, а 380 000 биле ранети.
Високиот Комесаријат за човекови права на Обединетите Нации излезе со податок заклучно до 17 февруари за 12 605 загинати и 29 178 повредени цивили.
