Каис Саид претседателот на Тунис повика на одржување на претседателските избори во земјата на 6 октомври, се вели во соопштението доцна во вторникот.
Во кратката изјава се вели дека Саид „издал писмена уредба за претседателските избори закажани за недела, 6 октомври 2024 година“.
Се очекува Саид да се кандидира за втор мандат откако го освои својот прв петгодишен мандат во 2019 година.
Во април, Националниот фронт за спас, главната опозициска коалиција во Тунис, рече дека нема да учествува на претседателските избори, наведувајќи ги како причина недостигот на фер услови и политичкиот прогон со затворање на политичари.
Опозицијата ги бојкотираше парламентарните избори во декември 2022 година и локалните општински избори кои се одржаа во декември и јануари оваа година.
Тунис се уште е во длабока политичка криза која ги влоши економските услови во земјата од 2021 година кога Саид ја собори владата и го распушти парламентот.
