Најмалку 100 пропалестински демонстранти, наводно, биле уапсени во вторникот во близина на домот на лидерот на мнозинството во американскиот Сенат Чак Шумер во Бруклин, Њујорк, за време на протестот против пакетот помош што на Израел би му обезбедил 26 милијарди долари.
Протестот, организиран од Еврејскиот глас за мир, се одржа за време на еврејскиот празник Песах. Демонстрантите побараа замрзнување на помошта за Израел, откако американскиот Сенат го одобри долгоочекуваниот пакет странска помош од 95 милијарди долари, вклучително и 26,6 милијарди долари за Израел.
Групата на платформата X објави дека го блокирала сообраќајот пред домот на Шумер, барајќи од САД „да престанат да ја вооружуваат и финансираат израелската влада додека таа врши геноцид“.
Групата соопшти дека њујоршката полиција уапсила стотици демонстранти, додека некои американски медиуми објавија дека најмалку 100 се уапсени.
Стефани Фокс, извршен директор на Еврејскиот глас за мир, рече дека протестот се одржал за време на Пасхата за да се испрати порака до Шумер.
„Сè во нашата традиција не принудува да направиме сè што треба за да ги спречиме овие историски злосторства да се вршат во наше име и со нашите даночни долари“, рече Фокс.
