Главната опозициска партија во Јужна Кореја, Демократската партија, ќе го одложи до четврток барањето за отповикување на вршителот на должноста претседател на Јужна Кореја, Хан Дук-со, изјави лидерот на таа партија, Парк Чан-дае.
Парк првично најави дека Демократската партија ќе го поднесе барањето денеска, но подоцна рече дека го одложува барањето за отповикување на Дук-су за прво да види дали Хан ќе назначи судии во Уставниот суд по
откако предлозите за нивно именување ќе бидат дадени на пленарна седница во четврток.
Демократската партија најави дека барањето за отповикување на Хан ќе се најде на дневен ред на пленарната седница на парламентот в петок откако ќе биде внесено во собраниска процедура во четврток.
Парк го објави отповикувањето откако Хан го одложи усвојувањето на нацрт-законот за започнување истрага на специјалното обвинителство против отповиканиот јужнокорејски претседател Џун Сук-јеол поради прогласување воена состојба на 3 декември.
Премиерот Хан ја презеде функцијата претседател на Јужна Кореја откако Џун беше отповикан од парламентот на 14 декември, а Уставниот суд сега разгледува дали треба да биде сменет од функцијата или да му се вратат овластувањата.
Против Џун беше покрената кривична истрага за наводен бунт бидејќи тој воведе воена состојба на 3 декември, која беше укината неколку часа подоцна, бидејќи беше отфрлена во парламентот.
