Државниот комитет за национална безбедност на Киргистан денеска соопшти дека спречил обид за државен удар на група која имала за цел да ја преземе власта насилно и да ја дестабилизира општествено-политичката ситуација преку масовни немири.
Во соопштението на Комитетот се наведува дека при рациите во куќите и возилата на осомничените биле откриени реквизити за рачно изработени експлозивни направи, огнено оружје, муниција, панцири, униформи за спроведување на законот, беспилотни летала и екстремистичка литература.
„На петмина осомничени им е одредена мерка притвор, а во тек се натамошни истражни и оперативни мерки“, се вели во соопштението.
Најавено е дека повеќе детали за овој случај ќе бидат објавени подоцна.