Денес во Пекинг се отвори Форумот за соработка меѓу Кина и арапските држави на кои присуствуваат четворица арапски лидери, како и претседателот на Кина.
Пекинг е „подготвен да работи со арапската страна за да го продолжи духот на кинеско-арапското пријателство“, рече Си Ѓинпинг на Форумот.
Си предложи „пет рамки за соработка“ со цел „да се засили градењето на кинеско-арапската заедница со заедничка иднина“, рече Хуа Чунјинг, портпаролката на кинеското Министерство за надворешни работи.
На Форумот присуствуваат кралот на Бахреин, Хамад бин Иса ал Калифа, египетскиот претседател Абдел Фатах ел-Сиси, тунискиот претседател Каис Саид и претседателот на Обединетите Арапски Емирати, шеикот Мухамед бин Зајед ал Нахјан.
Си рече дека Кина ќе биде домаќин на вториот самит Кина - арапските држави во Кина во 2026 година.
Кина и арапските држави ја одбележуваат 20-годишнината од Форумот, кој е основан во 2004 година.
Кинескиот министер за надворешни работи Ванг Ји и неговиот мавритански колега Мухамед Салем Оулд Мерзук копретседаваат со Форумот.
На Форумот ќе присуствуваат министри за надворешни работи и претставници на арапските држави, како и генералниот секретар на Лигата на арапските држави.
Форумот служи како формална иницијатива за дијалог меѓу Кина и Арапската лига за разговори за примарниот мултилатерален механизам за координација меѓу втората по големина економија во светот и арапските држави.
Со годишен обрт од околу 400 милијарди долари, Кина во моментов е најголемиот трговски партнер на арапскиот регион.
