Во судирите што избувнаа меѓу суданската војска и паравоените Сили за брза поддршка (РСФ) во Судан животот го загубија 83 лица, а повредени се 1.126, објави Светската здравствена организација (WHO).
Двете страни се повикани да ја почитуваат непристрастноста во давањето здравствени услуги и да гарантираат неограничен пристап до здравствените установи за повредените во судирите.
Два члена на семејството на суданскиот министер за минерали, Мохамед Башир, загинаа кога ракети го погодија неговиот дом во главниот град Картум за време на судирот.
Повредени се уште три лица, од кои двајца телохранители. Башир избегал неповреден.
Во саботата цел на напади беше и зградата на Министерството за минерали.
Суданските вооружени сили (САФ) наведоа дека РСФ гранатирале некои згради во главниот штаб на војската и извршиле напад со снајпери.
Вооружените судири меѓу суданската војска и паравоените Сили за брза поддршка (РСФ) избувнаа во саботата наутро во Картум, главниот град на Судан, како и во некои други градови низ земјата.
Недоразбирањето меѓу суданската војска и РСФ околу реформите во вената безбедност, што предвидуваат целосно учество на РСФ во воените структури, прерасна во жесток судир меѓу двете страни.
