Претседателот на Украина Влaдимир Зеленски во неделата ги разреши главниот државен обвинител и шефот на службата за државна безбедност.
„Денеска донесов одлука за разрешување на јавниот обвинител (Ирина Венедиктова) и за разрешување на шефот на Службата за безбедност на Украина (Иван Баканов)“, објави Зеленски.
Тој рече дека ќе бидат оценети конкретните дејствија и „секое недејствување“ од страна на службениците во безбедносниот сектор и агенциите за спроведување на законот.
„До денес, регистрирани се 651 кривична постапка поврзана со предавство и колаборативни дејствија на вработени во обвинителствата, телата на предкривичната истрага и другите органи за спроведување на законот“, додаде украинскиот претседател.
Во меѓувреме, Зеленски со декрет го назначи Алексеј Симоненко за вршител на должноста главен обвинител, според украинската национална новинска агенција Укринформ.
