Земјите-членки на Европската унија се договорија за нови санкции со кои се забранува увоз на алуминиум од Русија и се насочени кон руската флота во сенка.
Претседателката на Европската комисија Урсула фон дер Лајен на својот профил на социјалните мрежи објави дека земјите од ЕУ постигнале договор за 16-от пакет санкции подготвен за годишнината од руско-украинската војна на 24 февруари.
„Го поздравувам договорот за нашиот 16-ти пакет санкции“, рече Фон дер Лајен, додавајќи дека пакетот е насочен кон бродови од т.н. „флоти во сенка“, кои служат за заобиколување на санкциите поврзани со нафтата.
Фон дер Лајен истакна дека тие исто така преземаат мерки на претпазливост против обидите да се заобиколат санкциите и изјави дека се решени да продолжат да вршат притисок врз Кремљ.
Новите санкции, чии целосни детали не се објавени, ќе вклучуваат етапна забрана за увоз на руски алуминиумски производи во ЕУ и ќе ги заострат мерките насочени кон продажбата на сурова нафта.
Списокот на санкции ќе вклучува 73 танкери во сенка кои Русија ги користи за извоз на сурова нафта со кршење на ограничувањата, заедно со некои руски банки и голем број поединци и компании.
ЕУ досега има спроведено 15 пакети санкции кон Русија поради војната.
Во овој контекст, Русија е предмет на широк спектар на ограничувања, вклучувајќи трговија, финансии, енергија, нафта и јаглен, индустрија, технологија, транспорт, двојна употреба и луксузни стоки, како и злато и дијаманти.
Санкциите вклучуваат забрана за испорака на сурова нафта и некои нафтени деривати од Русија во ЕУ, протерување на некои руски банки од меѓународниот платен систем СВИФТ и суспензија на активностите на многу радиодифузни организации.
Листата на санкции на ЕУ вклучува повеќе од 2.000 поединци и институции.
