Бродот „Кастороне“, кој ќе ги поставува цевките за природниот гас што Туркије го откри во Црното Море, мина низ теснецот Босфор во Истанбул, јавува Анадолу.
Тргнувајќи од грчкиот остров Родос, бродот под знамето на Бахамите, широк 39 метри и тежок 102.032 бруто-тони, влезе во истанбулскиот теснец Босфор околу 11:00 часот по локално време.
Бродот кој ќе ги поставува цевките за гасоводот за транспорт на природниот гас што Туркије го откри во Црното Море, мина низ Босфорот во координација со Центарот за услуги за сообраќај на бродови во Истанбул, кој спаѓа под Генералната дирекција за безбедност на крајбрежјето на турското Министерство за транспорт и инфраструктура, а го придружуваа бродот за одговор при итни случаи „Нене Хатун“, реморкерите „Спасување-7“, „Спасување-10“, „Спасување-11“, „Спасување-12“ и бродот за брза евакуација „КЕГМ-8“.
Поради минувањето на бродот „Кастороне“ за поставување цевки длабоко во морските длабочини, бродскиот сообраќај во Босфорот беше привремено прекинат во двата правци.
Бродот, кој од Босфор исплови во Црното Море, ќе поставува цевки и на копно и на пловечка бродска платформа како дел од втората фаза на активностите за природниот гас што Туркије го откри во Црното Море.
Бродот, кој можеше да се види од повеќе точки на градот, околу 13:30 часот по локално време го заврши поминувањето низ теснецот Босфор и исплови кон Црното Море.
Бродот треба да стигне во пристаништето Филјос.
