Европската филијала за флаширање на „Кока-Кола“ соопшти дека наредила големо повлекување на „Кока-Кола“, „Спрајт“ и други пијалоци откако откриле високи нивоа на хлорат, што претставува потенцијален ризик по здравјето.
Кока-Кола соопшти дека лименки и стаклени шишиња со зголемено ниво на супстанција биле дистрибуирани во Белгија, Холандија, Велика Британија, Германија, Франција и Луксембург од ноември, изјави „Coca-Cola Europacific Partners Belgium“ за агенцијата Франс Прес.
„Немаме прецизна бројка, но јасно е дека се работи за значителна количина“, велат од компанијата во однос на количината на пијалоци кои се повлечени.
Хлоратот може да се најде во храната бидејќи потекнува од хлорните средства за дезинфекција кои широко се користат во третман на вода и преработка на храна.
Во научното мислење од 2015 година, Европската управа за безбедност на храна рече дека долготрајната изложеност на хлорат претставува потенцијална здравствена грижа за децата, особено оние со благ или умерен дефицит на јод.
„Поголемиот дел од погодените и непродадените производи веќе се отстранети од полиците на продавниците и ние продолжуваме да преземаме мерки за отстранување на сите преостанати производи од пазарот“, соопшти „Coca-Cola Europacific Partners“ во Белгија.
Но, француската филијала на компанијата рече дека анализата на независни експерти „заклучила дека веројатноста за поврзан ризик“ е „многу мала“.
„Не добивме поплаки од потрошувачите на оваа тема“, велат од компанијата.
Погодените серии на кока-кола и фузе чај беа испорачани во Франција, но во моментот нарачката за повлекување не се однесуваше на францускиот пазар, се додава.
