Најмалку 15 лица се уапсени, од кои 14 во Србија и едно во Германија, поради измама „тешка“ над два милиони евра во веб-страници за лажни крипто инвестиции.
Органите за спроведување на законот и судските власти од Бугарија, Грчката администрација Јужен Кипар, Германија и Србија, поддржани од Европол и Европравда, се здружија против организираните криминални групи вклучени во измама со инвестиции преку Интернет.
„Оваа криминална мрежа, која се состои од голем број различни криминални актери кои работат преку центри за повици, ги намами жртвите да инвестираат големи суми пари во лажни шеми за криптовалути. Европол формираше Оперативна работна група за поддршка на прекуграничната истрага“, соопшти Европол.
Оттаму информираат дека во текот на акцијата уапсени се 15 лица, 14 во Србија и едно во Германија. Испрашани се 261 лице, пребарани се 22 локации во Бугарија, Грчка администрација Јужен Кипар и во Србија, како и четири центри за повици и 11 резиденции во Србија, две резиденции во Грчка администрација Јужен Кипар, две компании и три резиденции во Бугарија.
„Запленети се три хардверски паричници со околу еден милион американски долари во криптовалути и околу 50.000 евра во готовина, три возила, електронска опрема и резервни копии на податоци, документи“, се наведува од Европол.
Најмалку 2 милиони евра загуба
Осомничените користеле реклами на социјалните мрежи за да ги намамат жртвите на веб-страници тајно управувани од криминалците, кои нуделе навидум исклучителни можности за инвестирање во криптовалути.
Жртвите, главно од Германија, прво би инвестирале ниски, трицифрени суми. Лажните покачувања на цените што доведоа до наводна профитабилност за инвеститорите потоа ги убеди да вршат трансфери на повисоки износи.
Во моментов се проценува дека финансиската штета нанесена на германските државјани е над два милиони евра, додека оштетени граѓани имаат и други земји како Швајцарија, Австралија и Канада.
„Истрагата сугерира дека бројот на непријавени случаи најверојатно ќе биде многу поголем. Тоа би значело дека нелегалните добивки што ги создаваат криминалните групи, со најмалку четири кол-центри во источна Европа, може да изнесуваат стотици милиони евра“, информира Европол.
