Мајкрософт во средата објави дека добил известување од Службата за внатрешни приходи на САД (ИРС) за дополнително плаќање данок од 28,9 милијарди долари.
Во соопштението се посочува дека известувањето е поврзано со тековен спор со ИРС во врска со тоа како компанијата ја распределува својата добивка меѓу различни земји и региони.
Во овој контекст, ИРС наводно побарала дополнителна даночна исплата од 28,9 милијарди долари заедно со казни и камата од Мајкрософт.
Мајкрософт не се согласи со барањето на ИРС и доколку е потребно, ќе поднесе жалба до судските власти, се вели во соопштението.
Мајкрософт истакна дека отсекогаш ги почитувал прописите на ИРС и плаќал даноци и во САД и на глобално ниво, со над 67 милијарди долари даноци платени на САД од 2004 година.
„Мајкрософт не се согласува со овие предложени прилагодувања и ќе поднесе жалба во рамките на ИРС, процес кој се очекува да трае неколку години“, рече компанијата во своето соопштение.
„Веруваме дека отсекогаш сме ги следеле правилата на ИРС и ги плаќавме даноците што ги должиме во САД и ширум светот“, се додава.
