Истражувачите тестираат длабока мозочна стимулација како третман за луѓе со тешка депресија. Лекарите го споредуваат со пејсмејкер за мозокот. Тоа вклучува имплантација на електроди во мозокот, кои се прикачени на уред поставен под кожата во градите.
Неодамнешните истражувања ветуваат, а лекарите веруваат дека третманот наскоро би можел да биде одобрен во САД.
Истражувачите велат дека третманот, наречен длабока мозочна стимулација, или ДБС, може да им помогне на многумина со депресија која е отпорна на други третмани
Емили Холенбек живеела со длабока, повторлива депресија која ја споредувала со црна дупка, каде гравитацијата била толку силна, а нејзините екстремитети толку тешки што едвај можела да се движи. Знаела дека болеста може да ја убие. И двајцата родители си го одзедоа животот.
Таа била подготвена да проба нешто екстремно - да вгради електроди во мозокот како дел од експериментална терапија.
Истражувачите велат дека третманот, наречен длабока мозочна стимулација, или ДБС, може да им помогне на многумина како неа, со депресија која е отпорна на други третмани.
Холенбек вели дека ги исцрпила сите опции, вклучително и електроконвулзивна терапија, кога нејзиниот лекар и кажал за ДБС пред три години.
Таа стана една од само неколкуте стотини третирани со ДБС за депресија.
Холенбек имала операција на мозокот под седативи, но била будна.
Д-р. Брајан Копел, кој го раководи Центарот за невромодулација Маунт Синај, постави тенки метални електроди во областа на нејзиниот мозок наречена субкалозален сингуларен кортекс, кој го регулира емоционалното однесување и е вклучен во чувството на тага.
Електродите се поврзани со внатрешна жица со уред поставен под кожата во градите, кој ја контролира количината на електрична стимулација и дава постојани нисконапонски импулси.
Лекарите велат дека стимулацијата помага бидејќи струјата го зборува јазикот на мозокот. Невроните, имено, комуницираат користејќи електрични и хемиски сигнали.
Холенбек рече дека ефектот бил речиси моментален. Таа рече дека почувствувала дека тежината се крева и дека повторно можела да најде задоволство во работи како музиката.
Тимот на Маунт Синај е еден од истакнатите истражувачи на ДБС за депресија во САД.
Таму специјалист за невровизуелизација користи слики од мозокот за да го лоцира точното место каде што се поставени електродите.
