Повеќе од девет милиони луѓе во Велика Британија живеат во толку голема сиромаштија така што сѐ повеќе се зависни од хуманитарни организации, покажува новото истражување на Трусел Труст.
Хуманитарната организација предупредува дека треба да се преземат итни мерки за решавање на основните причини за ниските приходи на домаќинствата.
Извештајот покажа дека повеќе од еден милион луѓе живеат во она што се дефинира како „глад и тешкотии“ - оние што преживуваат со приходи најмалку 25 отсто под релативната линија на сиромаштија - во споредба со пред пет години.
Со ова вкупниот број во оваа категорија се искачи на повеќе од девет милиони, што е нагло зголемување во споредба со пред две децении. Овие луѓе редовно се борат да си дозволат основни работи, како храна, греење и облека.
Децата се несразмерно погодени од оваа криза, при што секое петтo младо лице во Велика Британија е изложено на ризик од глад и тешкотии. Поголемите семејства, особено оние со три или повеќе деца, се соочуваат со уште поголема ранливост, со една третина изложени на висок ризик да се потпрат на добротворна храна, се вели во извештајот.
Ема Реви, извршна директорка на Трусел Труст, изрази длабока загриженост поради порастот на зависноста од банките за храна.
„Ова е 2024 година и ние се соочуваме со историски високи нивоа на потреба од банка за храна. Како општество не може да дозволиме ова да продолжи. Не смееме да дозволиме банките за храна да станат нова норма“, рече таа.
