Многу мал број вработени покажаа интерес за моделот „четири работни денови во неделата“, што започна во Белгија во ноември минатата година.
Белгија стана првата земја во Европската Унија (ЕУ) која им дозволува на вработените да ја завршат работната недела за четири наместо за пет дена, а практиката започна во ноември 2022 година.
Меѓутоа, според истражувањето на консултантската компанија за човечки ресурси „Секјурекс“, само 0,73 отсто од работниците со полно работно време во Белгија моментално работат четири дена во неделата.
Оваа стапка е уште помала во компаниите со помалку од 1.000 вработени. Додека 0,45 отсто од вработените во овие компании претпочитаат да работат четири дена, стапката се зголемува на 0,75 отсто во компаниите каде што има повеќе од 1.000 вработени.
Беше изненадувачки што апликацијата, која се очекуваше да биде многу популарна пред лансирањето, не го исполни очекуваниот интерес.
Во истражувањето се наведуваат и причините поради кои работниците не покажале интерес за овој модел. Првата од нив е дека вработените сè уште не се уверени во придобивките од системот на 4 денови работа, а втората е дека четиридневното работење, особено во фирмите со малку вработени, предизвикува административна и организациска штета.
Во изјава за белгискиот весник „Л'Ехо“, портпаролот на Министерството за труд рече дека целта на Владата со донесувањето на оваа законска одредба не е да се осигури дека секој треба да работи четири дена, туку да го претстави тоа како опција.
„Оваа апликација зависи од желбата на вработените. Четиридневното одење на работа треба да биде одлука донесена со консултации како резултат на барањето на работникот до работодавачот. Нормално е таквата практика постепено да се спроведува“, порача тој.
Според уредбата што белгиската Влада ја донесе на крајот на минатата година, вработените можат да одработат 38-часовна работна недела, со четири наместо пет работни денови, доколку сакаат и се договорат со работодавачот.
Оние кои ќе ја искористат оваа можност можат да земат тридневен викенд или да искористат дополнителен слободен ден во текот на неделата.
