Генералниот штрајк и протестот на неколку илјади вработени во грчкиот приватен и јавен сектор, кои се жалат на зголемените трошоци за живот, доведоа до колапс на сообраќајот на улиците на Атина.
Штрајкот беше организиран од двата најголеми грчки синдикати, Генералната конфедерација на грчките работници и Конфедерацијата на државните службеници, а беше поддржан и од левичарските опозициски партии, вклучувајќи ги Сириза, Пасок, Нова левица и МеРа25.
Учествуваа и неколку гранкови синдикати од различни сектори, како што се Панхеленската поморска федерација, Панхеленската федерација на работници за храна и туризам, Федерацијата на вработените во Националната здравствена служба и Лабуристичкиот фронт.
Повеќе од 10.000 работници демонстрираа во главниот град Атина, нагласувајќи ги зголемените трошоци за живот и станбената криза.
Тие бараат повисоки плати, зголемени средства за образованието и националниот здравствен систем и крај на приватизацијата на јавните претпријатија и институции.
