По пет изборни циклуси и повеќе од две години политичка криза Бугарија ќе добие нова политичка влада. Двете најголеми коалиции во земјата ГЕРБ и Продолжуваме со промените Демократска Бугарија се согласија да формираат коалициска влада со траење од 18 месеци во обид да се стави крај на политичкиот ќорсокак.
ГЕРБ и ПП-ДБ ќе имаат ротирачки премиер и вицепремиер. Николај Денков од Продолжуваме со промените – Демократска Бугарија се очекува да биде премиер во првите девет месеци, а Марија Габриел од ГЕРБ да биде вицепремиерка и министерка за надворешни работи. Во вторите девет месеци би ги замениле позициите. Габриел ќе биде на премиерската, а Денков на вицепремиерската позиција.
Денков е поранешен министер за образование на Бугарија, а Габриел е поранешна еврокомесарка за иновации, истражување, култура, образование и млади.
Првиот обид за формирање нова влада по изборите на 2 април во Бугарија пропадна бидејќи Габриел му го врати мандатот на претседателот Румен Радев.
Минатата недела, сојузот Продолжи со промените и Демократска Бугарија Бугарската социјалистичка партија, партијата Преродба и партијата Има таков народ објавија дека нема да поддржат влада на ГЕРБ.
Само Движењето за права и слободи, поддржано претежно од турското малцинство во земјата, изрази подготвеност да го поддржи нацрт-кабинетот на Габриел.
На изборите на 2 април, ГЕРБ беше прва, освојувајќи 69 места во парламентот од 240 места, додека блокот предводен од Продолжуваме да се менуваме освои 64 места.
Партијата на турското малцинство Движење за права и слободи заврши на четвртото место со 13,1 отсто на петтите избори во земјата во последните две години.
