ЦИК на Косово со ждрепка го одреди редоследот на гласачкото ливче

Претседателот на ЦИК изјави дека денешниот настан е значаен бидејќи тој им претходи на неколку изборни активности, како што се одобрување на содржината на дизајнот и гласачкото ливче

Централната изборна комисија (ЦИК) на Косово денеска со ждрепка го одреди редоследот на гласачкото ливче на заверените политички субјекти за парламентарните избори што ќе се одржат на 9 февруари 2025 година.

Претседателот на ЦИК, Крешник Радониќ, во своето обраќање рече дека денешниот настан е значаен бидејќи тој им претходи на неколку изборни активности, како што се одобрување на содржината на дизајнот и гласачкото ливче.

„Дозволете да ве информирам дека од средината на август, Централната изборна комисија интензивно развива подготовки за организирање на овие избори и досега голем дел од планираните изборни активности се спроведени, а други се во тек“, рече Радониќ.

Тој исто така рече дека на 9 јануари ќе започне процесот на гласање надвор од Косово за гласачите кои се регистрирани за гласање по пошта, додека на 11 јануари, политичките субјекти официјално ќе ја започнат изборната кампања.

Во меѓувреме, според ждрепката, ова е редоследот на политичките партии на гласачките ливчиња за изборите на 9 февруари:

111 - Нова демократска иницијатива на Косово ИРДК

112 - Српска листа

113 - Обединета горанска партија

114 - Обединета ромска партија на Косово

115 - Египетска либерална партија

116 - Српска демократија

117 - Демократски национален албански фронт

118 - Движење Самоопределување

119 - Нова демократска партија

120 - Партија на Косовските Срби

121 - Наша Бошњачка Коалиција