Во Албанија во неделата се одржаа локални избори на кои Социјалистичката партија на премиерот Еди Рама, според првичните резултати, победи во повеќето општини.
Според прелиминарните податоци објавени од Централната изборна комисија (ЦИК) на Албанија, броењето на гласовите е завршено во 40 од вкупно 61 општина, додека процесот се уште трае во Тирана и другите единици. Според податоците на ЦИК, на изборите гласале 37,79 отсто од граѓаните со право на глас.
На локалните избори учествуваа 44 политички партии, од кои 38 партии надвор од коалициите, шест партии групирани во две коалиции и 12 независни кандидати.
Албанските граѓани во неделата имаа можност да изберат градоначалници и членови на општинските совети во 61 општина.
Новина на овој изборен процес беше што гласачите во општините Елбасан, Камез и Воре гласаа по електронски пат, а гласовите се броеа по истиот систем.
