Следните парламентарни избори во Албанија ќе се одржат на 11 мај 2025 година, најави претседателот на државата Бајрам Бегај.
Во соопштението се наведува дека тој ден е одреден по консултација со Централната изборна комисија на Албанија и претставници на политичките партии, за да се овозможи успешно и ефективно гласање на Албанците од странство.
„Претседателот на Републиката изразува уверување дека најголемиот предизвик на овие избори е гласањето од странство и масовното вклучување на гласачите кои живеат во странство во овој суштински процес за демократијата. Сите политички сили јавно ја изразија својата решеност да го помогнат овој процес“, се вели во соопштението.
Тоа ќе бидат 11-ти парламентарни избори во Албанија по соборувањето на комунистичкиот режим.
