Резултатите од влегувањето на Хрватска во еврозоната и во Шенген зоната ќе бидат познати на крајот на годината, рече хрватскиот премиер Андреј Пленковиќ на конференцијата „Хрватска - 20-та членка на еврозоната“.
Конференцијата, во организација на хрватската влада и Хрватската народна банка (ЦНБ), се одржа во Националната и универзитетска библиотека (НСК), а ја отворија Пленковиќ и комесарот на Европската комисија за трговија Валдис Домбровскис.
Од 1 јануари 2023 година, Хрватска стана 18-та земја-членка на Европската унија која е целосно интегрирана по истовременото пристапување во еврозоната и Шенген зоната.
Пленковиќ во своето обраќање истакна дека Хрватска е единствената земја во историјата на Европската унија која во ист ден влезе во Шенген зоната и во еврозоната. Тој додаде дека Хрватска е меѓу 15-те земји членки на Европската унија, НАТО алијансата, Шенген зоната и еврозоната.
„Ние сме меѓу петте проценти од населението што ја користи втората најсилна валута“, рече Пленковиќ.
Тој додаде дека целиот процес за воведување на еврото во Хрватска започнал во 2017 година со партнерство на Владата и Хрватската народна банка, која ги спроведе неопходните реформски процеси во соработка со централноевропските институции, Европската централна банка и Европската комисија.
„Дојдовме до позиција каде што остваруваме 80 отсто од нашата размена со членовите на Шенген зоната, додека дури 3/4 од нашите туристи се од таа област. Убеден сум дека дури по крајот на оваа година ќе видиме колку добро сме направиле за хрватската економија и хрватските граѓани со остварувањето на овие две цели“, рече Пленковиќ.
Тој порача дека со соработката со Европската централна банка оваа година ќе работи на намалување на инфлацијата за да нивото на инфлацијата во еврозоната се врати на два отсто до 2025 година.
Европскиот комесар за трговија Вадис Домбровскис нагласи дека Хрватска со остварената интеграција во европодрачјето стана важен фактор во донесување на политичките и финансиските одлуки на европско ниво.
Домбровскис потсети дека европскиот и светскиот мир во моментов се загрозени од руската агресија врз Украина, како и финансиската и енергетската стабилност, и додаде дека влезот на Хрватска во еврозоната се совпаѓа со високата инфлација во Европа и на глобално ниво, со која другите земји не мораа да се соочат при спроведувањето на сопственото членство во еврозоната.
„Цврсто верувам дека еврото на Хрватска ќе донесе корист за граѓаните и деловните субјекти и дека исто како во Литванија, ќе биде стабилизирачка сила“, рече Домбровсксис.
Тој оцени дека еврото ќе помогне за конкурентноста на хрватската економија, ќе придонесе за развој на туризмот и ќе привлече инвеститори.
На конференцијата и тркалезната маса „Еврото како гарант на издржливоста“ учествуваа гувернерот на Хрватската народна банка Борис Вујчиќ, хрватскиот министер за финансии Марко Приморац и економскиот комесар на Европската комисија Паоло Џентилони, а претседателот на Европската централна банка зборуваше преку видео врска.
