Во Албанија продолжуваат протестите за „отфрлање на случаите на корупција во Општина Тирана“, како и со барањето за оставка на градоначалникот Ерион Велиај.
Протестот се одржа во продолжение на протестите организирани минатиот месец од опозициските партии, Демократската партија на Албанија (ПД) и Партијата на слободата (ПЛ), како и од претставници на граѓанското општество и активисти, пред седиштето на Општина Тирана.
Заменик-претседателот на Советот на Општина Тирана и претставник на Демократската партија, Дорјан Телити, во својот говор за време на протестот изјави дека акцијата со какви било демократски средства со граѓанска непослушност „мора да биде онаа што го води протестот“.
„Нашиот отпор веќе стана симбол во секој семеен разговор. Во секој граѓански разговор, на секоја средба и маса, луѓето зборуваат за граѓанскиот отпор на Тирана, зборуваат за отпорот на граѓаните на Албанија, за нашиот отпор“, рече Телити.
Поранешниот пратеник на ДП, Клевис Балиу, рече дека е време тие сами да си ги решат проблемите.
За одвивање на протестот беа распоредени десетици полициски сили, дел од демонстрантите фрлаа разни предмети кон седиштето на општината, а немаше судири.
Во Албанија, во последните месеци се организираат протести за „денунцирање, односно за прогласување за лажни случаите на корупција во Општина Тирана“, додека некои протести се придружени и со тензии и судири со полициските сили.
Протестите се организираат по апсењето на крајот на март годинава на дел од поранешните функционери на Општина Тирана, обвинети за кривични дела „пасивна корупција на лица кои вршат јавни функции“ и „одбивање на изјаснување, непријавување, прикривање или лажна пријава на имот“.
