Денеска свечено беше пуштен во сообраќај мостот Кукс на реката Црни Дрин на северот на Албанија, што ќе овозможи побезбеден сообраќај меѓу Албанија и Косово.
Албанскиот премиер Еди Рама со вицепремиерката, министерката за инфраструктура и енергетика Белинда Балука и други официјални лица изврши увид на мостот.
Рама во таа прилика рече дека мостот е впечатливо дело кое конечно ќе го растовари сообраќајот кој со години беше отежнат на стариот мост со две ленти.
Балуку рече дека мостот е вистинско уметничко дело. Таа додаде дека неговата изградба започнала во 2020 година и чинела околу 40 милиони евра.
Mостот има четири ленти и е изграден како дел од автопатот што ги поврзува Албанија и Косово. Се состои од широка заоблена метална конструкција со должина од 310 метри и висина од 56 метри.
