Претседателката на Северна Македонија, Гордана Сиљановска Давкова, изрази солидарност со народот на Туркије по терористичкиот напад извршен во Анкара.
Претседателката на својот профил на социјалната мрежа Х изрази солидарност со народот на Туркије по терористичкиот напад врз објектот на Турската Воздухопловна и вселенска индустрија (ТУСАШ) во Анкара.
„Целосно се солидаризирам со луѓето во Анкара и цела Туркије по овој ужасен терористички напад. Мое искрено сочувство до семејствата и најблиските на жртвите. Ова бесмислено насилство никогаш нема да триумфира над мирот“, наведе Сиљановска Давкова.
И министер за надворешни работи и надворешна трговија на Северна Македонија, Тимчо Муцунски, најостро го осуди терористички напад во Туркије.
Во објавата на својот профил на социјалната мрежа Х, Муцунски го осуди терористичкиот напад врз објектот на ТУСАШ.
„Моите мисли и молитви се со турскиот народ по шокантниот терористички напад во Анкара. Најоштро го осудувам овој чин на терор. Во овие тешки времиња, обединети сме со граѓаните на Туркије и ја потврдуваме нашата посветеност на мирот и безбедноста“, објави Муцунски на платформата Х.
