„Туркиш ерлајнс“ („Турк хавајолари“) ја доби наградата „Иновација на годината за одржливост на авиокомпаниите“ од страна на Центарот за авијација (CAPA) за нејзините иновативни напори за одржливост.
Според соопштението на турскиот национален авиопревозник, авиокомпанијата ја добила наградата за развој на Проектот за одржливо биоавионско гориво базирано на микроалги (MICRO-JET), во кој тесно соработувала со научниците за развивање на првото одржливо авијациско јаглерод-негативно гориво во светот.
Проектот МИКРО-Џет, спроведен со престижниот Универзитет „Богазичи“ во Истанбул, беше насочен кон произведување биогорива од микроалги со користење хидрообработени масни киселини и методи на хидротермално втечнување.
Левент Конукџу, главен директор за инвестиции и технологија на „Туркиш ерлајнс“, истакна: „Како авиокомпанија која лета во повеќе земји од која било друга авиокомпанија во светот, го цениме одржливото авијациско гориво како клучен елемент во нашата стратегија за одржливост за намалување на влијанието на воздухопловството врз животната средина.“
Конукџу додаде дека компанијата е посветена да продолжи со инвестирање и поддршка на одржливи авијациски горива и да се фокусира на иднината на светот.
