Ракометната репрезентација на Босна и Херцеговина вечерва ќе го игра првиот натпревар во третиот настап на Европските првенства вечерва. На ЕП во Германија, во Мајнхајм, ривал на БИХ ќе и биде актуелниот европски шампион Шведска.
Избраниците на Ирфан Смајлагиќ имаа многу лош подготвителен турнир во Швајцарија, каде претрпеа три тешки порази од домаќините. Сепак, тие се надеваат дека ќе се претстават во многу подобро светло на Европското првенство.
„Очекувањата се дека ќе го одиграме нашиот најдобар натпревар, па ќе видиме каков ќе биде резултатот. Важно е да дадеме се од себе, да влеземе со ладна глава. Знаеме што се Швеѓаните и дека се тие се еден од фаворитите на ова ЕП. Нашата најдобра шанса е ако ја прекинеме нивната брза полуконтра и ако ја намалиме на што помалку голови, мислам дека имаме шанси за подобар резултат“, изјави вчера Сењамин Буриќ искусниот пивот на дански Скјерн.
Освен мечот меѓу БиХ и Шведска, кој е закажан за 20 часот и 30 минути, во првото коло од групата „Е“ денеска во Манхајм од 18 часот ќе се сретнат Холандија и Грузија.
Покрај дуелите во групата „Е“, денеска ќе се одиграат и следните натпревари од првото коло: група „Д“: Словенија – Фарски Острови, Норвешка – Полска; Група "Ф": Португалија - Грција, Данска - Чешка.
Европското првенство почна синоќа со средбите од групата „А“ во Дизелдорф пред повеќе од 53.000 гледачи во Меркур Спиеларена. Прво, Франција ја совлада Северна Македонија со резултат 39:29, а потоа Германија ја совлада Швајцарија со резултат 27:14.
Европската ракометна федерација соопшти дека на натпреварите присуствувале 53.586 навивачи, што е нов светски рекорд по бројот на гледачи на ракометните натпревари. Претходниот беше забележан и во Германија, кога во септември 2014 година на натпреварот Рајн Некар Ловен - ХСВ Хамбург во Бундеслигата во Франкфурт присуствуваа 44.189 навивачи.
