Косово домаќин на Универзитетскиот светски куп во ракомет

Со свечена церемонија одржана во спортската сала „1. Октомври“ во Приштина, синоќа е означен е почетокот на ФИСУ Универзитетскиот светски куп во ракомет, кој првпат се одржува во Косово.

На ова првенство покрај домаќинот Косово, се натпреваруват во машка и женска категорија, студенти од разни универзитети од Хрватска, Црна Гора, Албанија, Шпанија, Чешка, Туркије, Португалија и Јужна Кореја.

Косовскиот министер за култура, млади и спорт, Хајрула Цеку, ги поздрави сите учесници на ова натпреварување и го прогласи за отворено.

„Добредојдовте во Косово и ви посакувам забавна и спортска недела во нашата престолнина. Би сакал во овие мечеви да ги следиме заедно и да поминеме што повеќе време“, нагласи Цеку.

Габриел Кочофа, член на Извршниот одбор на Светската федерација на универзитетскиот спорт (FISU), упати благодарност до Косово што е домаќин на ова натпреварување, истакнувајќи дека спортот и пријателството го прават животот поквалитетен и светот подобар.

„Како претставник на Африка, престојувам тука на Балканот и ве повикувам да бидете дел од нашата нова генерација, нашата нова култура, нашиот нов светски хоризонт. Заедно сме во спортот и шампиони сме“, рече Кочофа.

Машката ракометна екипа на приштинскиот Универзитет „Хасан Приштина“ првиот меч го играше синоќа против ракометарите на Универзитетот во Кастиља - Ла Манча од Шпанија.

Натпреварите се играат во Палатата на младите во спортската сала „1.октомври“. Учесниците се сместени во Студентскиот центар во Приштина.

Организаторот на натпреварувањето е Светската спортска студентска асоцијација, а право на учество имаат лица до 25 години. Светскиот куп ќе трае од 11 до 17 јули.