ЛШ: Спектакуларна победа на Барселона во Лисабон

Фудбалерите на Ливерпул го задржаа стопроцентниот учинок во оваа сезона од Лигата на шампионите и по 7. коло во кое на домашен терен го совладаа Лил со 2:1, а зад ние е Барселона која славеше со 4:5 против Бенфика

Во Лисабон се одигра неверојатен натпревар, со дури девет гола. Двапати Бенфика имаше два гола предност и сепак изгуби.

Не помогна ниту меч на животот на Вангелис Павлидис, кој за помалку од половина час постигна хет-трик против Барселона, негов прв во кариерата, но со голема помош на Војчех Шчесни.

Бенфика во 2. минута ја шокираше Барселона, гостите брзо одговорија, со голот на Левандовски од пенал во 13., а потоа „блесна“ Шчесни.

Во 22. минута тој се судри со Балде и му отвори пат на грчкиот напаѓач да постигне гол. Кошмарот на полскиот голман продолжи и во 30. минута кога направи пенал, кој Павлидис го реализираше.

Бизарните „асистенции“ од голманите продолжија и во вториот дел, во 64. минута голманот на Бенфика, Трубин шутираше во главата на Рафиња, а топката се одби во мрежата.

Сепак, во 68. минута Араухо со автогол го врати големото водство на Бенфика.

Но домаќините не ја задржаа предноста од два гола. Левандовски повторно реализираше пенал во 78. минута, а Гарсија погоди за израмнување во 86. минута. Ниту тука не заврши. Во шестата минута од судиското надополнување, Рафиња погоди за целосен пресврт.

Во Бергамо Аталанта до крај ја наполни мрежата на Штурм, постигна пет гола, а имаше уште четири поништени.

Ако воопшто имаше сомнеж, соодносот на шутот беше дури 25-5 во корист на домашните, а корнерите беа 12-1 и за Аталанта.

Монако погоди против Астон Вила во 8. минута, а голот на Синго остана единствен на натпреварот.

Интересен натпревар имаше и во Мадрид, каде Атлетико го пречека Баер.

Бариос рано го доведе Атлетико во неволја, поради невнимателен старт и директен црвен картон го остави својот тим со играч помалку во 24. минута, но Мадрид сепак на крајот славеше.

Леверкузен го искористи играчот повеќе пред крајот на првото полувреме кога погоди Хинкапие. Алварез го постигна израмнувачкиот гол во 52. минута, а по изедначувањето се израмни и односот на силите со исклучувањето на стрелецот на Леверкузен.

Атлетико успеа да направи пресврт. Алварез го постигна својот втор гол на натпреварот во 90. минута.

Ливерпул остана единствениот тим со максимален ефект во Лигата на шампионите. „Црвените славеа со 2:1 против Лил. Головите на Салах и Елиот им донесоа победа против Лил, кој последните половина час играше со играч помалку.

Се чинеше дека ПСВ брзо ги обезбеди бодовите во Белград, погодувајќи три пати во првото полувреме против Црвена звезда, три пати по нафрлувања од корнер кои одбраната на црвено-белите не можеше да ги одбрани.

Стрелци беа Де Јонг во 17. минута, Тил во 23. минута и Фламинго во 43. минута.

Предноста од првото полувреме беше доволна за ПСВ да се одбрани откако Фламинго беше исклучен во 50. минута. Црвена звезда го искористи дополнителниот играч и постигна два гола, недоволни за пресврт на натпреварот.

Борусија поведе во Болоња во 15. минута со голот на Гуираси, а потоа буквално го загуби водството во рок од една минута.

Во 71. минута Далинг погоди, а во 72. Јуниор погоди за целосен пресврт.

Штутгарт го победи Славен во Братислава со 1:3.

Германскиот тим до победата го предводеше Левелинг, кој постигна два гола во првото полувреме. Надеж на домаќините им даде Мецоко во 85. минута, но само една минута подоцна Ридер погоди за победа на гостите.

Натпреварот помеѓу Клуб Бриж и Јувентус беше единствениот кој заврши без голови.

ТАБЕЛА:

1. Ливерпул 7 7 0 0 15-2 21

2. Барселона 7 6 0 1 26-11 18

3. Атлетико М. 7 5 0 2 16-11 15

4. Аталанта 7 4 2 1 18-4 14

5. Арсенал 6 4 1 1 11-2 13

6. Баер Л. 7 4 1 2 13-7 13

7. Интер 6 4 1 1 7-1 13

8. Астон Вила 7 4 1 2 9-4 13

9.Брест 6 4 1 1 10-6 13

10. Монако 7 4 1 2 13-10 13