Франција уште има шанси да им се придружи на Италија и Бразил како единствени репрезентации кои ја одбраниле титулата светски фудбалски шампион. Ако Франција го освои светското првенство во Катар може да влезе во историјата на мундијалите како трета репрезентација која и успеало двапати по ред да биде светски првак. Франција стана светски шампион на Мундијалот во Русија во 2018 година. Во финалето ја совлада Хрватска.
За да го повтори историскиот успех на Италија и Бразил, Франција треба да победи уште три натпревари. Во четвртфиналниот натпревар треба да ја мине Англија, а потоа да победи во полуфиналето и да ја добие финалната битка
Во продолжение ТРТ Балкан ви дава преглед на успесите на Италија и Бразил во минатото.
Италија светски шампион во 1934 и 1938
Второто светско првенство во историјата, во 1934 година, се одржало во Италија. Шампион станала домашната селекција. Во финалето Италијанците ја совладаа репрезентацијата на тогашната Чехословачка со 2:1. Во осминафиналето Италија била супериорна над САД со 7:1. Во четвртфиналето со Шпанија, Италијанците одиграле 1:1.
Според тогашните правила, се играл втор натпревар на кој Италија победила со 1:0 и се пласирала меѓу четирите најдобри. Во полуфиналето, италијанската репрезентација била поуспешна од Австрија со 1:0.
Светското првенство во 1938 се одржало во Франција. Таму Италијанците во финалето ја совладале селекцијата на Унгарија. Во четвртфиналето Италија ја совладала селекцијата на домаќинот Франција со 3:1. Во следната рунда Италија била поуспешна од Бразил со 2:1.
Кариоките со титули од 1958 и 1962
Мундијалот во 1958 година се одржал во Шведска. Бразил ја освоил титулата. Во финалето го победил токму домаќинот Шведска со 5:2. Претходно во групната фаза Бразил одиграл 0:0 со Англија, а ги совладал Советскиот Сојуз со 2:0 и Австрија со 3:0. Потоа во четвртфиналето Бразил бил подобар од Велс со 1:0. Додека во полуфиналето ја совладал Франција со ист резултат како и Шведска во финалето 5:2.
Светскиот шампионат во 1962 година се одржал во Чиле. Бразил ја одбранил титулата. Во групната фаза го совладал Мексико со 2:0. Одиграл нерешено со Чехословачка 0:0. И потоа ја победил Шпанија со 2:1. И како првопласиран во групата се пласирал во нокаут фазата. Во четвртфиналето Бразилците биле поуспешни од Англија со 3:1. Потоа во полуфиналето биле подобри и од домаќинот Чиле со 4:2
