Ердоган: Договорот за жито ќе им даде приоритет на африканските земји

Договорот за извоз на жито со посредство на Туркије ќе им даде приоритет на африканските земји во потреба, како што е договорено со рускиот претседател Владимир Путин, рече турскиот претседател Реџеп Таип Ердоган.

„Ситуацијата во Џибути, Сомалија и Судан не е ниту малку добра. Доколку постои проблем во било која друга помалку развиена земја, ние ќе испорачуваме во тие земји“, рече турскиот претседател Реџеп Таип Ердоган во интервју во живо кој заеднички го пренесуваа турските телевизии АТВ, А Хабер, А Њуз и А Пара.

Тој наведе дека и руските и украинските челници пристапија кон Туркије „позитивно“ во однос на прашањето на извоз на житото, рече турскиот претседател Ердоган, како и дека и нивниот одговор бил позитивен.

Договорот за испораката на жито преку Црно море продолжува, најави денес турскиот претседател Реџеп Таип Ердоган по разговорот со рускиот колега Владимир Путин.

Русија во саботата објави дека го суспендира учеството во договорот за извоз на жито од украинските црноморски пристаништа.

Туркије, Обединетите нации, Русија и Украина потпишаа на 22 јули во Истанбул договор за обнова на црноморскиот извоз на жито, кој беше запрен откако во февруари почна руско-украинската војна.

Во Истанбул е воспоставен Заеднички координативен центар со претставниците на трите земји и ОН за да ги мониторира пратките.