Турскиот претседател Реџеп Таип Ердоган изјави дека Туркије со ефикасната дипломатија ги штити националните интереси и постигнува резултати.
„Денес постои Туркије која храбро ги штити своите национални интереси на сите полиња, вклучително и ОН и НАТО, и постигнува резултати со ефективна дипломатија“, рече Ердоган на состанокот на покраинските лидери на Партијата на правдата и развојот (АК Партијата) одржан во главниот град Анкара.
Ердоган додаде дека Туркије ја зајакнала својата надворешна политика, стекнала углед и самодоверба.
Тој рече дека Туркије, со својата силна армија, извршила антитерористички операции за одбрана на националната безбедност „без да бара ничие одобрение“.
Претседателот Ердоган додаде дека во последната 21 година Туркије станала подемократска и послободна земја која има еднакви можности за своите граѓани.
Обраќањето на Ердоган доаѓа во време кога АК Партијата одбележува 21 година од постоењето, период обележан со значајни изборни победи.
