Управата за конкуренција на Туркије објави дека донела одлука да му изрече казна од 13,7 милиони евра на Гугл поради неисполнување на обврските за пребарување на хотели.
Привремените казни на Гугл во истрагата за локалните услуги за пребарување се суспендирани од 21 мај, соопшти управата.
„Гугл беше казнет со вкупно 482 милиони лири (13,7 милиони евра) за периодот кога не ги спроведе мерките на претпазливост предложени за пребарување на хотел“, се вели во соопштението.
Минатиот месец, Управата за конкуренција објави дека почнувајќи од 15 април, Гугл ќе биде подложен на административна казна од 0,05 отсто од приходите во 2023 година за секој ден додека не ги исполни своите обврски во согласност со одлуката за локални услуги за пребарување во однос на пребарувањата на понудата на хотелиерите.
