Во експлозијата на бомба на улицата Истиклал во Истанбул, која ја изврши терористичката организација ПКК/ЈПГ, животот го загубија шест лица, а 81 се повредени.
Приведената терористка призна дека наредбата за нападот ја добила од центарот на терористичката организација во Кобане, Сирија. ЈПГ е сириски огранок на ПКК, која е наведена како терористичка организација од страна на Туркије, САД и Европската унија.
Карин Жан-Пјер, прес-секретарката на Белата куќа, во писмена изјава објавена во неделата напиша: „САД силно го осудуваат чинот на насилство што се случи денеска во Истанбул“.
Обраќајќи им се на новинарите од местото каде што се случи експлозијата, министерот за внатрешни работи на Туркије Сојлу денеска изјави дека одговорната за нападот би побегнала во Грција доколку не била фатена. Сојлу информираше дека е приведено и лицето кое го планирало нападот.
