Езерото Салда во турската југозападна провинција Бурдур е вклучено во престижната листа „Топ 100 најважни места за геолошко наследство во светот“.
Одлуката е објавена на 37. Светски геолошки конгрес во Бусан, Јужна Кореја.
Списокот е дел од проектот инициран од Меѓународната унија за геолошки науки (ИУГС) и поддржан од УНЕСКО.
Низаметин Казанџи, потпретседател на турската национална комисија за УНЕСКО, ја потврди веста и изрази гордост за вклучувањето на езерото Салда.
„Поднесовме апликација за езерото Салда и Немрут калдерата во рамките на квотата дадена на земјите за номинации. Во објавената листа го видовме само езерото Салда, а Немрут не се најде на истата. Без разлика дали нашите природни локалитети влегуваат на списокот или не, нивната научна важност нема да се намали“, рече тој.
„Да се биде на списокот значи подобра заштита за Салда. Треба да го заштитиме езерото Салда многу подобро“, рече тој, додавајќи дека различни јавни институции работат заедно за да обезбедат зачувување на езерото во услови на зголемен интерес за туризмот.
Казанци, исто така, ги повика посетителите да ги почитуваат чувствителните области на езерото и да придонесат во неговите тековни заштитни напори.
