Директорот за комуникации при Претседателството на Туркије Фахретин Алтун истакна дека „израелскиот премиер Нетанјаху е последниот човек кој може да зборува за било што поврзано со геноцид.“ „Тој ги совлада вештините да му ги продава на светот, неговите воени злосторства против цивилите како самоодбрана. И покрај тоа што светот не успеа да го спречи, историјата ќе го оцени како воен злосторник што всушност е“, напиша Алтун во објава на социјалната мрежа Х.
„Израелскиот премиер Нетанјаху е последниот што може да зборува за нашата борба против тероризмот. Ние се боревме против терористичката група ПКК и нејзините проширувања повеќе од 40 години. Самиот курдски народ во Туркије се бореше против ПКК која неселективно убива цивили и деца исто како и самиот Нетанјаху!“, нагласи Алтун.
Израелскиот премиер Нетанјаху е последниот што може да зборува за моралот, потенцираше турскиот директор за комуникации.
„Не може никому да држи предавања за тоа како да спроведува терористички операции бидејќи нема искуство во оваа арена! Тој беше во мисија да ги истера Палестинците од нивните земји во последните четири децении. Сега тоа го подигна на ново ниво користејќи ја израелската армија за убивање цивили во нивните домови, болници и бегалски кампови“, додаде Алтун.
Тој истакна дека „Нетанјаху не може никого да измами со напад на нашиот претседател Ердоган за да го одврати вниманието од неговите воени злосторства.“ „Светот виде што се случува во окупирана Палестина. Очајните обиди на Нетанјаху да ја спаси својата политичка кариера со убивање цивили и проширување на војната се осудени на неуспех. Нашиот претседател Ердоган го нарече како што е и нема да престане да се бори за правда без разлика колку лаги ќе му каже Нетанјаху на светот“, изјави Алтун.
Тој упати повик до меѓународната заедница, како што рече, „уште еднаш, да се обедини околу нашите напори за постигнување итен прекин на огнот и преговори за да се постигне траен мир.“
„Ние го направивме нашиот дел и ќе продолжиме да го правиме тоа без оглед на политичките напади и клеветите изнесени против Туркије. Ќе продолжиме да ја зборуваме вистината!“, потенцираше Алтун.
