Азербејџан и Ерменија ја потврдија намерата да потпишат мировен договор и дека се согласуваат дека постои можност да се постигне мир.
Во заедничкото соопштение на Претседателството на Азербејџан и премиерот на Ерменија се наведува дека како резултат на средбите што се одржаа меѓу Баку и Ереван е постигнат договор за преземање важни чекори за зајакнување на довербата меѓу двете земји.
„Азербејџан и Ерменија се согласуваат дека постои историска можност да се постигне долгоочекуваниот мир во регионот. Двете држави ја потврдуваат својата намера да ги регулираат односите и да потпишат мировен договор заснован на почитување на принципите на суверенитет и територијален интегритет“,се вели во соопштението.
Во соопштението се наведува дека Азербејџан одлучил да ослободи 32 ерменски војници, а Ерменија двајца азербејџански војници во знак на добра волја.
Исто така, беше посочено дека во знак на добра волја, Ерменија го поддржа барањето на Азербејџан да биде домаќин на 29-та сесија на Конференцијата на страните на Рамковната конвенција на Обединетите нации (ОН) за климатски промени (COP29) и ја повлече сопствената кандидатура.
Беше истакната надежта на Баку и Ереван дека другите земји од Источноевропската група ќе ја поддржат апликацијата на Азербејџан за домаќин на конференцијата.
Претседателот на Европскиот совет го поздрави новонајавениот договор во четвртокот меѓу Азербејџан и Ерменија за ослободување на затворениците и преземање „опипливи чекори“ кон градење доверба.
„Среќен што го поздравивме големиот пробив во односите Ерменија-Азербејџан додека тие објавуваат заедничка изјава. Особено го поздравуваме ослободување на затворениците и отворање на политичкиот дијалог без преседан“, напиша Шарл Мишел на X.
