Канцеларијата за буџет и менаџмент на Белата куќа издаде наредба за привремено паузирање на сите федерални грантови и заеми, испратен до сите амбасади и конзуларни претставништва како и агенциите за странска помош и развој.
„Во фискалната 2024 година, од скоро 10 трилиони долари што ги потроши Федералната влада, повеќе од 3 трилиони долари беа федерална финансиска помош, како што се грантови и заеми“, се вели во извештајот.
„Финансиската помош треба да биде посветена на унапредување на приоритетите на администрацијата, фокусирање на парите на даночните обврзници за унапредување на посилна и побезбедна Америка, елиминирање на финансискиот товар на инфлацијата за граѓаните, ослободување на американската енергија и производство, ставање крај на „идеологијата на будноста“ и вооружувањето на правдата, промовирање на ефикасноста во Владата и Америка да биде повторно здрава“.
Во меморандумот се појаснува дека „помошта дадена директно на поединци“, вклучително и бенефиции за социјално осигурување и Медикер, нема да биде под влијание на суспензијата.
Според документот, запирањето се однесува и на „други релевантни активности на агенцијата кои може да бидат вмешани со извршните наредби, вклучувајќи, но не ограничувајќи се на, финансиска помош за странство, невладини организации, политики за диверзитет и етничка застапеност, „будната“ родова идеологија и „новиот зелен договор“.
„Ова привремено стопирање ќе и даде време на администрацијата да ги прегледа програмите на агенциите и да ја утврди најдобрата употреба на финансирањето за тие програми во согласност со законот и приоритетите на претседателот“, се додава во докиментот.
