Западните разузнавачки служби и политичари стравуваат дека евентуалниот договор меѓу САД и Русија за Украина може да доведе до повлекување на американските трупи од поголемиот дел од Европа, објави во средата германскиот весник „Билд“.
„Според нашите информации, тоа се барањата на рускиот претседател Владимир Путин од 2021 година, поточно повлекување на американските војници од сите земји на НАТО кои се приклучија на алијансата по 1990 година“, изјави за Билд неименуван источноевропски безбедносен функционер.
Според извештајот, Италија се подготвува и за можно повлекување на американските војници од Косово.
Тоа би ги оставило европските сојузници сами на Балканот, соочени со Александар Вучиќ и неговата моќна српска војска.
Германските дипломати за „Билд“ ваквото сценарио во поранешната балканска воена зона го опишаа како „сосема можно“.
Според „Билд“, единствените американски бази кои засега не се вклучени во планот за повлекување се Рамштајн во Германија и воените бази во Велика Британија.
Американскиот претседател Доналд Трамп ја отфрли можноста за целосно повлекување на американските војници од Европа.
