Четири лица загинаа, а пет се повредени во украински ракетен напад врз градот Лгов во руската област Курск, изјави во средата гувернерот Александар Хинштајн.
„Три жртви починале на лице место, додека едната им подлегнала на повредите во болница. Уште петмина се ранети, меѓу кои и една жена која е во критична состојба и сите се хоспитализирани“, објави Хинштајн на Телеграм.
Во нападот биле оштетени и опожарени петкатници и две еднокатни станбени згради, а жителите биле евакуирани.
Рускиот истражен комитет соопшти дека нападот бил извршен со употреба на ракети ХИМАРС од западно производство.
Украина допрва треба да одговори на тврдењата на Русија, а независна потврда е тешко да се дојде поради тековната војна.
TRT Balkan / агенции
