Високиот претставник на Европската унија за надворешна политика и безбедност, Каја Калас изјави дека задушувањето на протестите во Грузија е неприфатливо и дека „Европа стои со грузискиот народ“..
Таа во објава на социјалната мрежа Х изјави дека „бруталниот напад врз мирните демонстранти, новинари и политичари вчера во Тбилиси е неприфатлив“.
„Грузија не ги исполнува очекувањата за кандидат за членство. ЕУ стои со народот на Грузија во нивната борба за слобода и демократија“, напиша Калас.
Грузиската полиција уапси неколку лица во неделата по судирот со проевропските демонстранти кои се обидоа да го блокираат патот што го поврзува центарот на Тбилиси со западниот дел на главниот град.
Извикувајќи антивладини слогани, демонстрантите бараа ослободување на приведените и уапсените во првите недели од протестите.
И покрај предупредувањата на полицијата, демонстрантите накратко го блокираа патот, што доведе до судири со полицијата. За време на судирите беа приведени неколку демонстранти.
Грузија доби кандидатски статус за членство во Европската унија во декември 2023 година. Сепак, владата ги одложи пристапните преговори до 2028 година.
Протестите против одлуката на грузискиот премиер Иракли Кобахидѕе да ги прекине преговорите за членство во ЕУ до 2028 година траат од 28 ноември минатата година.
Европската унија, Соединетите држави, поранешниот грузиски претседател Саломе Зурабичвили и опозицијата одбија да ги признаат парламентарните избори на кои победи владејачката партија Грузиски сон на 26 октомври 2024 година. Тие ја критикуваа и одлуката на владата да ги прекине преговорите за членство во ЕУ.
Владата на премиерот Иракли Кобахидѕе, од друга страна, обвинува некои групи поддржани од Западот, поранешниот претседател Зурабичвили и опозицијата дека се обидуваат да ја соборат владата преку „улични протести“.
Како одговор, САД и неколку европски земји воведоа санкции за грузиските владини претставници.
